习近平主席在人大闭幕会上的重要讲话（全文藏汉版）

རྒྱལ་ཡོངས་མི་དམངས་འཐུས་མི་ཚོགས་ཆེན་སྐབས་བཅུ་གསུམ་པའི་ཚོགས་འདུ་ཐེངས་དང་པོའི་ཐོག་གི་གསུང་བཤད།

(2018ལོའི་ཟླ་3ཚེས་20ཉིན)

ཞི་ཅིན་ཕིང་།

འཐུས་མི་རྣམ་པ་ཚོ།

ད་ཐེངས་ཀྱི་ཚོགས་ཆེན་ཐོག་ང་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིར་མུ་མཐུད་བདམས་བྱུང་། འཐུས་མི་རྣམ་པ་དང་རྒྱལ་ཡོངས་མི་རིགས་ཁག་གི་མི་དམངས་ཀྱིས་ངར་ཡིད་ཆེས་གནང་བར་སྙིང་དབུས་ནས་ཐུགས་རྗེ་ཆེ་ཞུ་རྒྱུ་ཡིན།

ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཀྲུའུ་ཞིའི་བླ་ན་མེད་པའི་འགན་འཁུར་རྒྱུ་བྱུང་བ་ནི་ལས་འགན་གཟི་བརྗིད་ཆེ་ལ་འགན་འཁྲི་ལྕི་པོ་ཞིག་ཀྱང་རེད། ངས་སྔར་རྒྱུན་བཞིན་རྩ་ཁྲིམས་ཀྱིས་དཀྲིས་པའི་འགན་འཁྲི་ལྷག་བསམ་རྣམ་དག་ངང་བསྒྲུབས་ནས། མེས་རྒྱལ་དང་མི་དམངས་ལ་བློ་དཀར་སེམས་དཀར་དང་། རང་འགན་གཙང་སྒྲུབ། ནུས་ཤུགས་ཡོད་རྒུ་འདོན་པ། སྙིང་རུས་ཆེན་པོས་ལས་དོན་སྒྲུབ་པ། ལྷག་བསམ་རྣམ་དག་གིས་ལེགས་སྐྱེས་འབུལ་བ། མི་དམངས་ཀྱི་ཞབས་འདེགས་པ་ཡག་པོ་ཞིག་བྱེད་པ། མི་དམངས་ཀྱི་ལྟ་སྐུལ་དང་ལེན་བཅས་བྱས་ཏེ་འཐུས་མི་རྣམ་པ་དང་རྒྱལ་ཡོངས་མི་རིགས་ཁག་གི་མི་དམངས་ཀྱི་ཡིད་ཆེས་དང་མངགས་བཅོལ་ཟབ་མོ་ཆུད་ཟོས་སུ་གཏན་ནས་གཏོང་གི་མིན།

རྒྱལ་ཁབ་ལས་ཁུངས་ཀྱི་ལས་དོན་པ་ཞིག་ཡིན་ཕྱིན། གོ་གནས་མཐོ་པོ་ག་ཚོད་ཡོད་ནའང་ཚང་མས་ངེས་པར་དུ་ང་ཚོའི་སྤྱི་མཐུན་རྒྱལ་ཁབ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཡིན་པ་བློ་ལ་བརྟན་པོར་བཅངས་ནས་ཐོག་མཐའ་བར་གསུམ་དུ་མི་དམངས་སེམས་ཀྱི་གནས་བབ་མཐོ་ཤོས་སུ་འཇོག་པ་དང་། ཐོག་མཐའ་བར་གསུམ་དུ་བློ་གཅིག་སེམས་གཅིག་གིས་མི་དམངས་ལ་ཞབས་འདེགས་ཞུ་བ། ཐོག་མཐའ་བར་གསུམ་དུ་མི་དམངས་ཀྱི་ཁེ་ཕན་དང་བདེ་སྐྱིད་ཀྱི་ཆེད་དུ་ལས་དོན་ཧུར་ཐག་སྒྲུབ་པ་བཅས་བྱེད་དགོས།

འཐུས་མི་རྣམ་པ་ཚོ།

མི་དམངས་ནི་ལོ་རྒྱུས་གསར་གཏོད་པ་དང་མི་དམངས་ནི་དཔའ་བོ་ངོ་མ་རེད། བརྗིད་ཆགས་ཉམས་ལྡན་གྱི་ཀྲུང་ཧྭ་མི་རིགས་ཀྱི་འཕེལ་རྒྱས་ལོ་རྒྱུས་ནི་ཀྲུང་གོའི་མི་དམངས་ཀྱིས་བརྩམས་པ་རེད། རྒྱ་ཆེ་ལ་གཏིང་ཟབ་པའི་ཀྲུང་ཧྭའི་ཤེས་དཔལ་ནི་ཀྲུང་གོའི་མི་དམངས་ཀྱིས་གཏོད་པ་རེད། དུས་ཡུན་ཇི་ལྟར་རིང་བ་དེ་ཙམ་གྱིས་གསོན་ཉམས་དོད་པའི་ཀྲུང་ཧྭ་མི་རིགས་ཀྱི་སྙིང་སྟོབས་ནི་ཀྲུང་གོའི་མི་དམངས་ཀྱིས་སྐྱེད་སྲིང་བྱས་པ་རེད། ཀྲུང་ཧྭ་མི་རིགས་ཡར་ལངས་པ་དང་ཕྱུག་པོར་གྱུར་པ་ནས་སྟོབས་ཆེར་གྱུར་པའི་བར་གྱི་རླབས་ཆེན་གྱི་མཆོང་སྐྱོད་ནི་ཀྲུང་གོའི་མི་དམངས་ཀྱིས་འབད་འཐབ་བྱས་པ་ལས་བྱུང་བ་རེད།

ཀྲུང་གོའི་མི་དམངས་ཀྱི་ཁྱད་གཤིས་དང་སྐྱེས་ཐོབ་ཀྱི་རིག་པས་ལོ་ངོ་སྟོང་ཕྲག་དུ་མ་བརྒྱུད་ད་བར་འཕེལ་རྒྱས་བྱུང་བའི་ཀྲུང་ཧྭའི་ཤེས་དཔལ་བཏོད་པ་མ་ཟད། དེང་རབས་ཀྱི་ཀྲུང་གོ་འཕེལ་རྒྱས་ཡར་ཐོན་ལ་ཤུགས་རྐྱེན་ཟབ་མོ་ཐེབས་པ་དང་། དེང་རབས་ཀྲུང་གོ་བའི་བསམ་པའི་འཇིག་རྟེན་ལ་ཤུགས་རྐྱེན་ཟབ་མོའང་ཐེབས་ཡོད། ཡུན་རིང་གི་འབད་འཐབ་ཁྲོད་ཀྲུང་གོའི་མི་དམངས་ཀྱིས་སྐྱེད་སྲིང་དང་། རྒྱུན་འཛིན། གོང་འཕེལ་བཅས་བཏང་བའི་རླབས་ཆེན་གྱི་མི་རིགས་སྙིང་སྟོབས་ཀྱིས་ཀྲུང་གོའི་འཕེལ་རྒྱས་དང་མིའི་རིགས་ཀྱི་ཤེས་དཔལ་ཡར་ཐོན་ལ་བསམ་པའི་སྒུལ་ཤུགས་ཆེན་པོ་མཁོ་འདོན་བྱས་ཡོད།

—— ཀྲུང་གོའི་མི་དམངས་ནི་གསར་གཏོད་ཀྱི་སྙིང་སྟོབས་རླབས་ཆེན་ལྡན་པའི་མི་དམངས་རེད། ལོ་ངོ་སྟོང་ཕྲག་དུ་མའི་ལོ་རྒྱུས་ཀྱི་ཆུ་རྒྱུན་རིང་མོའི་ནང་། ཀྲུང་གོའི་མི་དམངས་ཀྱིས་ཐོག་མཐའ་བར་གསུམ་དུ་དཀའ་སྤྱད་ངལ་རྩོལ་དང་གསར་གཏོད་གསར་སྐྲུན་བྱས་ཤིང་། རང་རྒྱལ་དུ་ལའོ་ཙི་དང་། ཁུང་ཙི། ཀྲོང་ཙི། མོང་ཙི། མོ་ཙི། སུན་ཙི། ཧན་ཧྥེ་ཙི་སོགས་མཚན་སྙན་འཛམ་གླིང་དུ་ཁྱབ་པའི་བསམ་བློ་རླབས་ཆེན་གྱི་མཁས་དབང་ཐོན་པ་དང་། ཤོག་བུ་བཟོ་རྩལ་དང་། མེ་རྫས། དཔར་འདེབས་ལག་རྩལ། ཕྱོགས་སྟོན་འཁོར་ལོ་སོགས་མིའི་རིགས་ཀྱི་ཤེས་དཔལ་ཡར་ཐོན་ལ་ཤུགས་རྐྱེན་གཏིང་ཟབ་ཐེབས་པའི་ཚན་རྩལ་གྱི་གྲུབ་འབྲས་རླབས་ཆེན་གསར་གཏོད་བྱས་པ། སྙན་ངག་གི་གཞུང་དང་། ཁྲུའུ་རྒྱལ་རབས་ཀྱི་སྙན་ཚིག ཧན་རྒྱལ་རབས་ཀྱི་ལྷུག་རྩོམ། ཐང་རྒྱལ་རབས་ཀྱི་སྙན་ངག སུང་རྒྱལ་རབས་ཀྱི་སྙན་ཚིག ཡོན་རྒྱལ་རབས་ཀྱི་ཟློས་གར། མིང་རྒྱལ་རབས་དང་ཆིང་རྒྱལ་རབས་ཀྱི་བརྩམས་སྒྲུང་སོགས་རིག་རྩལ་བརྩམས་ཆོས་རླབས་ཆེན་གསར་རྩོམ་བྱས་པ། གླིང་སྒྲུང་དང་། མ་ན་སི། ཅང་ཀེར་སོགས་མི་སེམས་ལྷག་པར་འགུལ་བའི་རླབས་ཆེའི་ལོ་རྒྱུས་སྙན་ངག་རྒྱུན་འཛིན་བྱས་པ། ལྕགས་རི་རིང་པོ་དང་། ཏུའུ་ཅང་ཡན། མིས་བཟོས་གཙང་པོ་ཆེན་པོ། གནའ་བོའི་ཕོ་བྲང་། ཕོ་བྲང་པོ་ཏ་ལ་སོགས་རྔམ་བརྗིད་ལྡན་པའི་རླབས་ཆེན་ལས་གྲྭ་འཛུགས་སྐྲུན་བྱས་ཡོད། དེང་སྐབས་ཀྲུང་གོའི་མི་དམངས་ཀྱི་གསར་གཏོད་སྙིང་སྟོབས་སྔར་ལས་ལྷག་པའི་སྒོ་ནས་འཕེལ་བཞིན་ཡོད་པ་དང་རང་རྒྱལ་ཉིན་རེ་ལས་མ་འདས་པར་མདུན་ཕྱོགས་སུ་འཕེལ་རྒྱས་འགྲོ་རྒྱུར་སྐུལ་འདེད་ཐེབས་ནས་འཛམ་གླིང་གི་མདུན་གྲལ་དུ་གོམ་ཞེང་ཆེན་པོས་སྐྱོད་བཞིན་ཡོད། ཀྲུང་གོའི་མི་དམངས་དུང་ཕྱུར་13ལྷག་གིས་གསར་གཏོད་ཀྱི་སྙིང་སྟོབས་རླབས་ཆེན་དར་སྤེལ་བཏང་ཚེ། ང་ཚོས་མི་ཡུལ་གྱི་ངོ་མཚར་ཡང་ཡང་གཏོད་ཐུབ་ངེས་ཡིན་པར་ང་ལ་ཡིད་ཆེས་ཡོད།

—— ཀྲུང་གོའི་མི་དམངས་ནི་འབད་བརྩོན་གྱི་སྙིང་སྟོབས་རླབས་ཆེན་ལྡན་པའི་མི་དམངས་རེད། ལོ་ངོ་སྟོང་ཕྲག་དུ་མའི་ལོ་རྒྱུས་ཀྱི་ཆུ་རྒྱུན་རིང་མོའི་ནང་། ཀྲུང་གོའི་མི་དམངས་ཀྱིས་ཐོག་མཐའ་བར་གསུམ་དུ་རྙིང་དོར་གསར་འཛུགས་དང་འབད་བརྩོན་ལྷོད་མེད་བྱས་ནས་མེས་རྒྱལ་གྱི་ཡངས་ཤིང་ལྟ་ན་སྡུག་པའི་རི་ཆུ་ཀླུང་གསུམ་གསར་སྤེལ་དང་འཛུགས་སྐྲུན་བྱས་པ་དང་། རྦ་རླབས་དགུང་ལ་འཕྱུར་བའི་ཡངས་ཤིང་རྒྱ་ཆེ་བའི་མཚོ་ཁོངས་རྒྱ་སྐྱེད་བཏང་བ། ཐོན་ཁུངས་ཕུན་སུམ་ཚོགས་པའི་རྒྱ་ཆེ་བའི་ས་ཞིང་གསར་སྦོལ་བྱས་པ། ཤང་ཤང་དུ་རྒྱུག་པའི་ཆུ་བོ་དང་གཙང་པོ་མང་པོ་བཅོས་སྐྱོང་བྱས་པ། རང་བྱུང་གནོད་འཚེ་གྲངས་ལས་འདས་པ་ལས་རྣམ་པར་རྒྱལ་བ། སྐར་ཚོགས་ལྟར་ཁྱབ་པའི་གྲོང་རྡལ་དང་གྲོང་གསེབ་བསྐྲུན་པ། ཐོན་ལས་སྣ་ཚོགས་གོང་འཕེལ་བཏང་བ་བཅས་བྱས་པས། ཕུན་སུམ་ཚོགས་པའི་འཚོ་བ་ཞིག་སྐྱེལ་རྒྱུ་བྱུང་ཡོད། འཇིག་རྟེན་ཐོག་ལོངས་སྤྱོད་རང་གྲུབ་ཀྱི་དོན་བཟང་ཞིག་མེད་པས་བདེ་སྐྱིད་དགོས་ན་འབད་བརྩོན་བྱེད་དགོས་ལུགས་ཀྲུང་གོའི་མི་དམངས་ཀྱིས་སྔར་ནས་གསལ་པོ་ཤེས་ཀྱི་ཡོད། དེང་སྐབས། ཀྲུང་གོའི་མི་དམངས་ལ་དབང་བ་ཐམས་ཅད་ནང་ཀྲུང་གོ་བའི་བློ་གྲོས་རྣམ་དཔྱོད་དང་ཀྲུང་གོ་བའི་དཀའ་སྤྱད་རྔུལ་ཆུ་འདུས་ཡོད་ལ་ཀྲུང་གོ་བའི་བློས་གཏོང་ཆེན་པོའང་འདུས་ཡོད། ཀྲུང་གོའི་མི་དམངས་དུང་ཕྱུར་13ལྷག་གིས་འབད་བརྩོན་གྱི་སྙིང་སྟོབས་རླབས་ཆེན་འདི་དར་སྤེལ་བཏང་ཚེ། ང་ཚོའི་མི་དམངས་ཀྱིས་སྔར་བས་མཛེས་སྡུག་ལྡན་པའི་འཚོ་བ་གཏོད་པའི་བརྗིད་ཆེའི་དམིགས་ཚད་དུ་སླེབས་ཐུབ་པ་ང་ལ་ཡིད་ཆེས་ཡོད།

ཀྲུང་གོའི་མི་དམངས་ནི་མཐུན་སྒྲིལ་གྱི་སྙིང་སྟོབས་རླབས་ཆེན་ལྡན་པའི་མི་དམངས་རེད། ལོ་ངོ་སྟོང་ཕྲག་དུ་མའི་ལོ་རྒྱུས་ཀྱི་ཆུ་རྒྱུན་རིང་མོའི་ནང་། ཀྲུང་གོའི་མི་དམངས་ཀྱིས་སྔ་ཕྱི་བར་གསུམ་དུ་མཐུན་སྒྲིལ་རྡོག་རྩ་གཅིག་སྒྲིལ་དང་ཕྱར་བ་གྲུ་འདེགས་ཀྱིས་མི་རིགས་མང་བའི་གཅིག་གྱུར་གྱི་རྒྱལ་ཁབ་བཙུགས་པ་དང་། མི་རིགས་56གི་སྣ་མང་གཞི་གཅིག་དང་མཉམ་འདྲེས་གཅིག་སྒྲིལ་གྱི་འཆམ་མཐུན་གྱི་མི་རིགས་འབྲེལ་བ་འཕེལ་རྒྱས་བཏང་བ། ལྟ་རེས་སྐྱོང་རེས་ཀྱི་ཀྲུང་ཧྭ་མི་རིགས་ཀྱི་ཁྱིམ་ཚང་ཆེ་མོ་ཆགས་ཡོད། ལྷག་པར་དུ་ཉེ་རབས་རྗེས། ཕྱི་རྒྱལ་གྱི་བཙན་འཛུལ་བས་བཟོས་པའི་ཆག་སྒོ་ཆེན་པོའི་དུས་བབ་ཛ་དྲག་འོག་རང་རྒྱལ་གྱི་མི་རིགས་ཁག་གི་མི་དམངས་ཚོས་ལག་གདང་སྦྲེལ་བ་དང་དཔུང་པ་མཉམ་གཤིབ་ཀྱིས་དཔའ་མཛངས་རྟུལ་ཕོད་ངང་འཐབ་རྩོད་བྱས་ནས་གདུག་རྩུབ་ཤིན་ཏུ་ཆེ་བའི་བཙན་འཛུལ་བ་མཐའ་དག་ཕམ་ཉེས་བཏང་བ་དང་། མི་རིགས་རང་བཙན་དང་རང་དབང་ལ་སྲུང་སྐྱོང་བྱས་པ། ཀྲུང་ཧྭ་མི་རིགས་ཀྱིས་མེས་རྒྱལ་སྲུང་སྐྱོང་དང་ཕྱིའི་བཙན་འཛུལ་བའི་བརྙས་བཅོས་བཀག་འགོག་བྱེད་པའི་བརྗིད་ཆགས་ཤིང་ཡིད་དུ་འོང་བའི་ལོ་རྒྱུས་སྙན་ངག་ཐུན་མོང་ཐོག་བརྩམས་ཡོད། དེང་སྐབས་སྐྱེ་བོ་ཀུན་གྱིས་དོ་སྣང་བྱེད་པའི་ཀྲུང་གོར་ཐོབ་པའི་འཕེལ་རྒྱས་ཀྱི་གྲུབ་འབྲས་ནི་རྒྱལ་ཡོངས་ཀྱི་མི་རིགས་ཁག་གི་མི་དམངས་ཀྱིས་བློ་སེམས་གཅིག་མཐུན་དང་བློ་ཁ་གཅིག་མཐུན་གྱི་ཐོག་ནས་འབད་བརྩོན་བྱས་པའི་འབྲས་བུ་ཞིག་དེ་བས་རེད། ཀྲུང་གོའི་མི་དམངས་ཀྱིས་མཐུན་སྒྲིལ་ནི་སྟོབས་ཤུགས་ཡིན་པ་དང་མཐུན་སྒྲིལ་བྱས་ཚེ་གཞི་ནས་མདུན་སྐྱོད་ཐུབ་པ་དང་ཁ་ཐོར་ཡ་བྲལ་གྱི་རྒྱལ་ཁབ་ཅིག་འཕེལ་རྒྱས་དང་ཡར་རྒྱས་ཡོང་མི་སྲིད་པ་ཉམས་མྱོང་དངོས་ལས་ངོས་འཛིན་གསལ་པོ་ཐུབ་ཡོད། ཀྲུང་གོའི་མི་དམངས་དུང་ཕྱུར་13ལྷག་ཙམ་གྱིས་སྔ་ཕྱི་བར་གསུམ་དུ་མཐུན་སྒྲིལ་གྱི་སྙིང་སྟོབས་རླབས་ཆེན་འདི་རིགས་དར་སྤེལ་བཏང་ཚེ། ང་ཚོས་ཞུམ་མེད་མདུན་སྐྱོད་དང་སྟོབས་ཤུགས་ཧ་ཅང་ཆེན་པོ་ཞིག་གཏོད་ཐུབ་ངེས་ཡིན་པ་ང་ལ་ཡིད་ཆེས་ཡོད།

ཀྲུང་གོའི་མི་དམངས་ནི་ཕུགས་འདུན་གྱི་སྙིང་སྟོབས་རླབས་ཆེན་ལྡན་པའི་མི་དམངས་རེད། འདས་ཟིན་པའི་ལོ་ངོ་སྟོང་ཕྲག་དུ་མའི་ལོ་རྒྱུས་ཀྱི་ཆུ་རྒྱུན་རིང་མོའི་ནང་། ཀྲུང་གོའི་མི་དམངས་ཀྱིས་སྔ་ཕྱི་བར་གསུམ་དུ་ཕུགས་འདུན་བློ་ལ་བཅངས་པ་དང་དོན་གཉེར་ལྷོད་མེད་བྱས་པར་བརྟེན་ང་ཚོར་འབྱོར་འབྲིང་འཚོ་བའི་འདུ་ཤེས་ཤིག་ཆགས་པ་མ་ཟད། གནམ་འོག་སྤྱི་ལ་དབང་བའི་བརྩེ་སེམས་ཤིག་ཀྱང་ཆགས་ཡོད། ཁྭ་ཧྥུ་ཡིས་ཉི་མ་དེད་པ་དང་ཅིང་ཝེས་རྒྱ་མཚོ་བསུབས་པ་ལ་སོགས་རང་རྒྱལ་གྱི་གནའ་བོའི་ལྷ་སྒྲུང་ལས་ཀྲུང་གོའི་མི་དམངས་ཀྱིས་ཕུགས་འདུན་དོན་གཉེར་དང་མངོན་འགྱུར་བྱེད་ཕོད་པའི་དཔའ་མི་ཞུམ་པའི་སྙིང་སྟོབས་གསལ་པོར་མངོན་གྱི་ཡོད། རི་བོ་ཇི་ལྟར་མཐོ་རུང་འཛེགས་ན་རི་རྩེར་སླེབས་ཐུབ་པ་དང་ལམ་ཐག་ཇི་ཙམ་རིང་རུང་མུ་མཐུད་བསྐྱོད་ཚེ་མཐར་དམིགས་སར་འབྱོར་ངེས་ཡིན་པར་ཀྲུང་གོའི་མི་དམངས་ཀྱིས་ཡིད་ཆེས་ཆེན་པོ་བྱེད་ཀྱི་ཡོད། ཉེ་རབས་ཚུན་དུ། ཀྲུང་ཧྭ་མི་རིགས་རླབས་ཆེན་བསྐྱར་དར་ཡོང་བ་བྱ་རྒྱུ་ནི་ཀྲུང་ཧྭ་མི་རིགས་ཀྱི་ཆེས་རླབས་ཆེན་གྱི་ཕུགས་འདུན་དུ་གྱུར་པས་ཀྲུང་གོའི་མི་དམངས་ཀྱིས་ཐེངས་བརྒྱ་ཕམ་ཡང་ཡིད་ཐང་མི་ཆད་པ་དང་བློ་བརྟན་འགྱུར་མེད་བྱས་པའི་ཁར་དགྲ་བོ་དང་དམར་འཛིང་མཐའ་གཅིག་ཏུ་བྱེད་པའི་དཔའ་ཉམས་དང་རང་སྟོབས་རང་སྤེལ་གྱི་རྨང་གཞིའི་ཐོག་ཉམས་པ་སོར་ཆུད་ཀྱི་ཆོད་སེམས་དང་འཛམ་གླིང་མི་རིགས་མང་པོའི་ཁྲོད་རང་ཚུགས་ཐུབ་པའི་འཇོན་ཐང་ལ་བརྟེན་ནས་རླབས་ཆེན་གྱི་ཕུགས་འདུན་མངོན་འགྱུར་བྱ་ཆེད། ལོ་ངོ་170ལྷག་ཙམ་རྒྱུན་མཐུད་ནས་འབད་འཐབ་བྱས་ཡོད། དེང་སྐབས་ཀྲུང་གོའི་མི་དམངས་ལོ་རྒྱུས་ཐོག་གི་དུས་གང་རུང་ཞིག་དང་བསྡུར་ན་ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་གྱི་ཀྲུང་གོའི་ཕུགས་འདུན་མངོན་འགྱུར་ཡོང་བར་ཐག་དེ་བས་ཉེ་བ་དང་གདེང་ཚོད་དང་ནུས་པ་དེ་བས་ཆེ་བ་ཡོད། ཀྲུང་གོའི་མི་དམངས་དུང་ཕྱུར་13གྱིས་སྔ་ཕྱི་བར་གསུམ་དུ་རླབས་ཆེན་ཕུགས་འདུན་གྱི་སྙིང་སྟོབས་འདི་རིགས་དར་སྤེལ་བཏང་ཚེ། ང་ཚོས་ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་མངོན་འགྱུར་ཐུབ་ངེས་ཡིན་པ་ང་ལ་ཡིད་ཆེས་ཡོད།

བློ་མཐུན་རྣམ་པ་ཚོ། འདི་ལྟ་བུའི་རླབས་ཆེའི་མི་དམངས་དང་། འདི་ལྟ་བུའི་རླབས་ཆེའི་མི་རིགས། འདི་ལྟ་བུའི་རླབས་ཆེའི་མི་རིགས་ཀྱི་སྙིང་སྟོབས་བཅས་ཡོད་པ་ནི་ང་ཚོའི་སྤོབས་པ་ཞིག་དང་ང་ཚོས་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་འགྲོ་ལམ་གྱི་གདེང་ཚོད་དང་། རིགས་པའི་གཞུང་ལུགས་ཀྱི་གདེང་ཚོད། ལམ་ལུགས་ཀྱི་གདེང་ཚོད། རིག་གནས་ཀྱི་གདེང་ཚོད་བཅས་བརྟན་དུ་གཏོང་བའི་གཏིང་ཤུགས་ཤིག་ཡིན་པ་དང་ཆར་རླུང་འཚུབ་ཀྱང་མཚམས་མི་འཇོག་པ་དང་སྐད་གསངས་མཐོན་པོས་མདུན་དུ་སྐྱོད་པའི་རྩ་བའི་སྟོབས་ཤུགས་ཤིག་ཀྱང་རེད།

རང་རྒྱལ་ནི་བཟོ་པའི་གྲལ་རིམ་གྱིས་འགོ་ཁྲིད་པ་དང་བཟོ་ཞིང་མནའ་འབྲེལ་རྨང་གཞིར་བྱས་པའི་མི་དམངས་དམངས་གཙོའི་སྲིད་དབང་སྒེར་འཛིན་གྱི་སྤྱི་ཚོགས་རིང་ལུགས་ཀྱི་རྒྱལ་ཁབ་ཅིག་ཡིན་པས་རྒྱལ་ཁབ་ཀྱི་དབང་ཆ་མཐའ་དག་མི་དམངས་ལ་དབང་ཡོད། ང་ཚོས་ངེས་པར་དུ་མི་དམངས་ཀྱི་ལངས་ཕྱོགས་སྔ་ཕྱི་བར་གསུམ་དུ་མཐའ་འཁྱོངས་དང་། མི་དམངས་ཀྱི་བྱེད་པོའི་གནས་བབ་མཐའ་འཁྱོངས། ཁེངས་སྐྱུང་གིས་མི་དམངས་ལ་སློབ་སྦྱོང་། མི་དམངས་ཀྱི་འབོད་སྒྲ་ཉན་པ། མི་དམངས་ཀྱི་བློ་གྲོས་བསྡུ་ལེན་བྱེད་པ། མི་དམངས་ཀྱི་བརྩི་བཀུར་ཐོབ་མིན་དང་། མོས་མཐུན་ཡོད་མེད། དགའ་ཚོར་སྐྱེས་མིན། ཁས་ལེན་བྱས་མིན་བཅས་ལས་དོན་མཐའ་དག་སྒྲུབ་ཐུབ་མིན་གྱི་རྩ་བའི་ཚད་གཞིར་འཛིན་པ། མི་དམངས་ཀྱིས་དོ་སྣང་ཆེ་ཤོས་བྱེད་པ་དང་། མི་དམངས་དང་ཐད་ཀར་འབྲེལ་བ་ཆེ་ཤོས་ཡོད་པ། མི་དམངས་ལ་འཕྲལ་མཁོ་ཆེ་ཤོས་ཡིན་པ་བཅས་ཀྱི་ཁེ་ཕན་གྱི་གནད་དོན་ཐག་གཅོད་བྱ་རྒྱུར་ཤུགས་རྒྱག་པ་བཅས་བྱས་ནས་ཀྲུང་གོའི་མི་དམངས་དང་ཀྲུང་ཧྭའི་བུ་ཕྲུག་ཡོངས་ལ་ཀྲུང་ཧྭ་མི་རིགས་ཀྱི་རླབས་ཆེན་བསྐྱར་དར་ཡོང་བར་བྱེད་པའི་ལོ་རྒྱུས་འཕེལ་རིམ་ནང་བདེ་སྐྱིད་དང་གཟི་འོད་ལོངས་སུ་སྤྱོད་རྒྱུ་ཡོང་བར་བྱེད་དགོས།

འཐུས་མི་རྣམ་པ་ཚོ།

མི་དམངས་ལ་ཡིད་ཆེས་བྱུང་ན་རྒྱལ་ཁབ་ལ་གཞི་ནས་འབྱུང་འགྱུར་དང་སྟོབས་ཤུགས་འབྱུང་སྲིད། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དུས་རབས་གསར་པར་སླེབས་པ་དང་སྦྲགས། ལས་ལ་བརྩོན་ཞིང་དཔའ་ངར་ཆེ་བའི་ཀྲུང་གོ་མི་དམངས་ཀྱིས་རང་གིས་རང་ལ་ཡིད་ཆེས་དང་། རང་བཀུར། རང་བརྩི་བཅས་བྱེད་ཤུགས་ཀྱང་སྔར་བས་ཆེ་རུ་འགྲོ་བཞིན་ཡོད། གནའ་ཉམས་དོད་ལ་དེང་རབས་ཀྱི་ཁྱད་ཆོས་ཀྱང་ལྡན་པའི་ཤར་ཕྱོགས་ཀྱི་རྒྱལ་ཁབ་སྟོབས་ཆེན་ཀྲུང་གོར་སྐྱེ་སྟོབས་ཀྱི་དཔལ་འབར་བ་དང་འཕོ་འགྱུར་ཆེན་པོ་འགྲོ་བཞིན་ཡོད་ཅིང་། ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་འགྲོ་ལམ་དང་། རིགས་པའི་གཞུང་ལུགས། ལམ་ལུགས། རིག་གནས་བཅས་ལས་གསོན་ཤུགས་དང་སྐྱེ་སྟོབས་ཆེན་པོ་མངོན་ཏེ་ཀྲུང་ཧྭ་ས་གཞི་ཆེ་མོ་ནས་ངོ་མཚར་ཆེ་བའི་རྣམ་པ་ཟམ་མི་ཆད་པར་ཐོན་བཞིན་ཡོད་པས། ང་ཚོས་འབྱུང་འགྱུར་ལ་ཡིད་ཆེས་ཀྱིས་ཁེངས་བཞིན་མཆིས།

སྤྱི་ཚོགས་རིང་ལུགས་ཀྱིས་མ་གཏོགས་ཀྲུང་གོ་སྐྱོབ་མི་ཐུབ་པ་དང་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་མཐའ་འཁྱོངས་དང་འཕེལ་རྒྱས་བཏང་ན་མ་གཏོགས་ཀྲུང་ཧྭ་མི་རིགས་རླབས་ཆེན་བསྐྱར་དར་ཡོང་མི་སྲིད་པ་ལོ་རྒྱུས་ལས་ར་འཕྲོད་ཐུབ་ལ་མུ་མཐུད་ར་སྤྲོད་ཀྱང་བྱ་སྲིད། རྒྱལ་ཁབ་ཕྱི་ནང་གི་དུས་བབ་ལ་རྙོག་འཛིང་ཆེ་བའི་འགྱུར་ལྡོག་འགྲོ་བཞིན་ཡོད་པ་དང་རང་རྒྱལ་གྱི་འཕེལ་རྒྱས་སྔར་བཞིན་འཐབ་ཇུས་གོ་སྐབས་གལ་ཆེན་གྱི་དུས་སྐབས་སུ་གནས་ཡོད། ང་ཚོར་དེ་སྔ་བསམ་ཡུལ་ལས་འདས་པའི་འཕེལ་རྒྱས་ཀྱི་ཆ་རྐྱེན་ཡག་པོ་ལྡན་མོད། འོན་ཀྱང་སྔར་བྱུང་མྱོང་མེད་པའི་དཀའ་ངལ་དང་འགྲན་སློང་ཡང་མང་པོ་ཕྲད་ཡོད། ཀྲུང་གོ་གུང་ཁྲན་ཏང་རྒྱལ་ཡོངས་འཐུས་མི་ཚོགས་ཆེན་ཐེངས་བཅུ་དགུ་པས་ཕྱོགས་ཡོངས་ནས་འབྱོར་འབྲིང་སྤྱི་ཚོགས་བསྐྲུན་པའི་རྒྱལ་ཁ་ཕུ་ཐག་གཅོད་རྒྱུ་དང་། ཕྱོགས་ཡོངས་ནས་སྤྱི་ཚོགས་རིང་ལུགས་ཀྱི་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པའི་རྒྱང་སྐྱོད་ལམ་བུ་གསར་པར་བསྐྱོད་རྒྱུ། 

ཀྲུང་ཧྭ་མི་རིགས་རླབས་ཆེན་བསྐྱར་དར་མངོན་འགྱུར་བྱ་རྒྱུ་བཅས་ཀྱི་བརྗིད་ཆེའི་འཆར་གཞི་བཀོད་ཡོད། འཆར་གཞི་འདི་དོན་དངོས་སུ་འགྱུར་རྒྱུ་ནི་རྒྱང་སྐྱོད་གསར་པ་ཞིག་ཡིན་ལ། ལམ་ཐག་ཧ་ཅང་རིང་ནའང་དུས་ཚོད་ཀྱིས་མི་སྒུག་མི་སྲིད་པས་ལྷོད་གཡེང་སྤུ་ཙམ་གཏོང་མི་རུང་། ང་ཚོས་ད་ཡོད་ལ་ཡིད་ཚིམ་དང་། སྐྱིད་ཆགས་སྡུག་གཡོལ། སྐྱིད་སྡོད་སྡུག་བརྗེད་བཅས་བྱེད་མི་རུང་བར་ངེས་པར་དུ་ཐོག་མའི་བསམ་འདུན་མི་བརྗེད་པ་དང་། འགན་འཁྲི་བློ་ལ་བརྟན་པོ་ངེས་པ། འབད་འབུངས་ཡར་བརྩོན་བཅས་བྱས་ནས་དུས་རབས་གསར་པར་དབང་བའི་འོད་སྟོང་འབར་བའི་བྱས་རྗེས་ཧུར་ཐག་གཏོད་དགོས།

ང་ཚོས་རང་རྒྱལ་འཕེལ་རྒྱས་ཀྱི་ལོ་རྒྱུས་ཀྱི་ཕྱོགས་མཚམས་གསར་པ་དང་བསྟུན་པ་དང་རང་རྒྱལ་སྤྱི་ཚོགས་ཀྱི་འགལ་ཟླ་གཙོ་བོའི་འགྱུར་ལྡོག་ལ་དམིགས་ཏེ་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་རླབས་ཆེན་དར་ཆ་མཐོན་པོར་སྒྲེང་བ་དང་། ཏང་གི་ཚོགས་ཆེན་བཅུ་དགུ་པ་དང་སྐབས་བཅུ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པའི་དགོངས་དོན་ཕྱོགས་ཡོངས་ནས་ལག་བསྟར་བྱེད་པ། མར་ཁེ་སི་ལེ་ཉིང་རིང་ལུགས་དང་། མའོ་ཙེ་ཏུང་གི་དགོངས་པ། ཏེང་ཞའོ་ཕིང་གི་རིགས་པའི་གཞུང་ལུགས། “མཚོན་བྱེད་གསུམ”གྱི་དགོངས་པ་གལ་ཆེན། ཚན་རིག་དང་མཐུན་པའི་གོང་འཕེལ་ལྟ་བ། དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་བཅས་མཛུབ་ཁྲིད་དུ་བྱ་རྒྱུ་མཐའ་འཁྱོངས། བརྟན་ཐོག་ཡར་བརྩོན་གྱི་ལས་ཀའི་རྩ་བའི་དགོངས་གཞི་མཐའ་འཁྱོངས། མི་དམངས་ལྟེ་བར་འཛིན་པའི་འཕེལ་རྒྱས་ཀྱི་དགོངས་པ་མཐའ་འཁྱོངས། རླབས་ཆེན་གྱི་འཐབ་རྩོད་དང་། རླབས་ཆེན་གྱི་འདུ་འགོད། རླབས་ཆེན་གྱི་བྱ་གཞག རླབས་ཆེན་གྱི་ཕུགས་འདུན་བཅས་ལ་སྤྱི་འདོམས། “ཕྱོགས་ལྔ་གཞི་གཅིག”གི་སྤྱིའི་བཀོད་ཇུས་ལ་སྤྱི་འདོམས་སྐུལ་འདེད་གཏོང་བ། “ཕྱོགས་ཡོངས་བཞིའི”འཐབ་ཇུས་བཀོད་ཇུས་ལ་མཐུན་སྦྱོར་ངང་སྐུལ་འདེད་གཏོང་བ་བཅས་བྱས་ནས་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་བྱ་གཞག་གི་རྣམ་པ་གསར་པ་ཧུར་ཐག་གཏོད་དགོས།

ང་ཚོའི་དམིགས་ཚད་ནི་དུས་རབས་འདིའི་དུས་དཀྱིལ་དུ་སླེབས་སྐབས་རང་རྒྱལ་འབྱོར་ཕྱུག་དང་། དམངས་གཙོ། ཤེས་དཔལ། ཞི་མཐུན། མཛེས་སྡུག་ལྡན་པ་བཅས་ཀྱི་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་སྟོབས་ཆེན་བསྐྲུན་རྒྱུ་དེ་རེད།

ང་ཚོས་སྤེལ་ཤུགས་དེ་བས་ཆེ་བ་དང་བྱེད་ཐབས་དེ་བས་ཏན་ཏིག་གི་ཐོག་ནས་ཕྱོགས་ཡོངས་ནས་སྒྱུར་བཅོས་གཏིང་ཟབ་ཏུ་གཏོང་བ་དང་ཕྱི་ཕྱོགས་ལ་སྒོ་མོ་འབྱེད་རྒྱ་ཆེ་རུ་གཏོང་བ་དང་། འཕེལ་རྒྱས་ཀྱི་འདུ་ཤེས་གསར་པ་ལག་བསྟར་བྱེད་པ། དཔལ་འབྱོར་སྤུས་ཚད་མཐོ་པོའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་བ། དེང་རབས་ཅན་གྱི་དཔལ་འབྱོར་མ་ལག་འཛུགས་སྐྱོང་བྱེད་པ། རང་རྒྱལ་གྱི་དཔལ་འབྱོར་སྟོབས་ཤུགས་དང་། ཚན་རྩལ་སྟོབས་ཤུགས། ཕྱོགས་བསྡུས་རྒྱལ་སྟོབས་བཅས་ཟམ་མི་ཆད་པར་ཆེ་རུ་བཏང་ནས་སྤྱི་ཚོགས་རིང་ལུགས་ཀྱི་ཁྲོམ་རའི་དཔལ་འབྱོར་གྱི་གསོན་ཤུགས་སྔར་བས་ལེགས་པའི་ངང་མངོན་ཐུབ་པར་བྱེད་དགོས།

ང་ཚོས་སྤེལ་ཤུགས་དེ་བས་ཆེ་བ་དང་བྱེད་ཐབས་དེ་བས་ཏན་ཏིག་གི་ཐོག་ནས་སྤྱི་ཚོགས་རིང་ལུགས་ཀྱི་དམངས་གཙོ་འཕེལ་རྒྱས་བཏང་སྟེ་ཏང་གི་འགོ་ཁྲིད་དང་། མི་དམངས་རང་ཁྱིམ་རང་བདག ཁྲིམས་ལྟར་རྒྱལ་སྐྱོང་བཅས་གཅིག་གྱུར་གང་ལེགས་མཐའ་འཁྱོངས་དང་། སྤྱི་ཚོགས་རིང་ལུགས་ཀྱི་ཁྲིམས་སྐྱོང་རྒྱལ་ཁབ་འཛུགས་སྐྲུན། རྒྱལ་ཁབ་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དུ་འགྱུར་རྒྱུར་སྐུལ་འདེད་གཏོང་བ། ཆེས་རྒྱ་ཁྱབ་ཀྱི་རྒྱལ་གཅེས་འཐབ་ཕྱོགས་གཅིག་གྱུར་སྲ་བརྟན་དང་འཕེལ་རྒྱས་གཏོང་བ། མི་དམངས་ལ་དེ་བས་རྒྱ་ཁྱབ་དང་། དེ་བས་གང་ལེགས། དེ་བས་དངོས་འབྲེལ་བཅས་ཀྱི་དམངས་གཙོའི་དབང་ཆ་ལོངས་སྤྱོད་ཐུབ་པའི་འགན་ལེན་བཅས་བྱས་ནས་སྤྱི་ཚོགས་རིང་ལུགས་ཀྱི་དམངས་གཙོའི་ཁྱད་འཕགས་རང་བཞིན་སྔར་བས་ལེགས་པའི་ངང་མངོན་ཐུབ་པར་བྱེད་དགོས།

ང་ཚོས་སྤེལ་ཤུགས་དེ་བས་ཆེ་བ་དང་བྱེད་ཐབས་དེ་བས་ཏན་ཏིག་གི་ཐོག་ནས་སྤྱི་ཚོགས་རིང་ལུགས་ཀྱི་རིག་གནས་སྟོབས་ཆེན་རྒྱལ་ཁབ་འཛུགས་སྐྲུན་མགྱོགས་སུ་གཏོང་བ་དང་། སྤྱི་ཚོགས་རིང་ལུགས་ཀྱི་ལྟེ་བའི་རིན་ཐང་ལྟ་བ་སྐྱེད་སྲིང་དང་ལག་བསྟར་བྱེད་པ། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་གསར་གཏོད་རང་བཞིན་ངང་གཞན་སྒྱུར་དང་འཕེལ་རྒྱས་འགྲོ་རྒྱུར་སྐུལ་འདེད་གཏོང་བ་བཅས་བྱས་ནས་ཀྲུང་ཧྭའི་ཤེས་དཔལ་གྱི་ཤུགས་རྐྱེན་ཐེབས་ཤུགས་དང་། གོང་བུ་འགྲིལ་ཤུགས། ཡིད་དབང་འགུགས་ཤུགས་བཅས་སྔར་བས་ལེགས་པའི་ངང་མངོན་ཐུབ་པར་བྱེད་དགོས།

ང་ཚོས་སྤེལ་ཤུགས་དེ་བས་ཆེ་བ་དང་བྱེད་ཐབས་དེ་བས་ཏན་ཏིག་གི་ཐོག་ནས་དམངས་འཚོ་འགན་ལེན་དང་ལེགས་སུ་གཏོང་བ་དང་སྤྱི་ཚོགས་བཅོས་སྐྱོང་ལ་ཤུགས་སྣོན་རྒྱག་པ་དང་གསར་གཏོད་བྱས་ཏེ་དབུལ་སྒྲོལ་འགག་སྒྲོལ་དམག་འཐབ་ཀྱི་རྒྱལ་ཁ་མཐའ་གཅིག་ཏུ་ལེན་པ་དང་། སྤྱི་ཚོགས་གཞུང་དྲང་དང་དྲང་བདེན་ལ་སྐུལ་འདེད་གཏོང་བ། བྱིས་པ་སྐྱོང་མཁན་ཡོད་པ་དང་། སྦྱོང་དུས་སློབ་མཁན་ཡོད་པ། ལས་ཀར་ཐོབ་ཆ་ཡོད་པ། ན་དུས་སྨན་བཅོས་ཐུབ་པ། རྒས་དུས་འཚོ་རྟེན་ཡོད་པ། སྡོད་སའི་ཁང་པ་ཡོད་པ། ཉམས་ཆུང་སྐྱོང་མཁན་ཡོད་པ་བཅས་ཀྱི་ཐད་འཕེལ་རྒྱས་གསར་པ་ཟམ་མི་ཆད་པར་ཡོང་བར་བྱས་ཏེ་མི་དམངས་ཡོངས་ཐུན་མོང་ཐོག་ཕྱུག་འགྱུར་ཡོང་བ་བྱ་རྒྱུ་རྒྱ་ཆེའི་མི་དམངས་ཀྱི་འཚོ་བ་དངོས་ནང་སྔར་བས་ལེགས་པའི་ངང་མངོན་ཐུབ་པར་བྱེད་དགོས།

ང་ཚོས་སྤེལ་ཤུགས་དེ་བས་ཆེ་བ་དང་བྱེད་ཐབས་དེ་བས་ཏན་ཏིག་གི་ཐོག་ནས་སྣོད་བཅུད་ཤེས་དཔལ་འཛུགས་སྐྱོང་ལ་སྐུལ་འདེད་གཏོང་བ་དང་། ལྗང་མདོག་གི་ཐོན་སྐྱེད་བྱ་ཐབས་དང་འཚོ་བ་སྐྱེལ་སྟངས་མགྱོགས་མྱུར་ཆགས་པར་བྱས་ཏེ་མངོན་གསལ་དོད་པའི་ཁོར་ཡུག་གནད་དོན་ནུས་ཤུགས་ཡོད་རྒུས་ཐག་གཅོད་བྱས་ནས་ང་ཚོའི་རྒྱལ་ཁབ་ཀྱི་ནམ་མཁའ་དེ་བས་དྭངས་བ་དང་། རི་བོ་དེ་བས་སྔོ་བ། ཆུ་མོ་དེ་བས་གཙང་བ། ཁོར་ཡུག་དེ་བས་མཛེས་པ་བཅས་ཡོང་བ་བྱེད་དགོས་པ་དང་སྔོ་ཞིང་དྭངས་པའི་རི་ཆུ་ནི་གསེར་རི་དངུལ་རི་ཡིན་པའི་འདུ་ཤེས་མེས་རྒྱལ་གྱི་ས་གཞི་ཆེན་པོ་ནས་སྔར་བས་ལེགས་པའི་ངང་མངོན་ཐུབ་པ་བྱེད་དགོས།

ང་ཚོས་ཏང་གིས་མི་དམངས་དམག་དཔུང་ལ་འགོ་ཁྲིད་གཙང་བཙན་བྱ་རྒྱུ་མཐའ་འཁྱོངས་བྱེད་པ་དང་། དུས་རབས་གསར་པའི་ཏང་གི་དམག་དཔུང་སྟོབས་ཆེན་གྱི་དགོངས་པ་ཕྱོགས་ཡོངས་ནས་ལག་བསྟར་བྱེད་པ། ཆབ་སྲིད་ལ་བརྟེན་ནས་དམག་དཔུང་འཛུགས་སྐྱོང་དང་། སྒྱུར་བཅོས་ལ་བརྟེན་ནས་དམག་དཔུང་སྟོབས་ཆེར་གཏོང་བ། ཚན་རྩལ་ལ་བརྟེན་ནས་དམག་དཔུང་དར་རྒྱས་གཏོང་བ། ཁྲིམས་ལྟར་དམག་དཔུང་བཅོས་སྐྱོང་བྱེད་པ་བཅས་ལ་རྒྱུན་ཆད་མེད་པར་སྐུལ་འདེད་གཏོང་བ། ཀྲུང་གོའི་ཁྱད་ཆོས་དང་འཛམ་གླིང་གི་རྩེར་སོན་གྱི་དྲག་ཆས་སྟོབས་ཤུགས་མ་ལག་ཅིག་མགྱོགས་མྱུར་ཆགས་པ་བྱེད་པ། ཀྲུང་གོའི་ཁྱད་ཆོས་ཀྱི་དེང་རབས་ཀྱི་དམག་འཐབ་མ་ལག་སྐྲུན་པ་བཅས་བྱས་ནས་མི་དམངས་དམག་དཔུང་གིས་ཏང་དང་མི་དམངས་ཀྱིས་དཀྲིས་པའི་དུས་རབས་གསར་པའི་འགན་འཁྲི་དང་ལས་འགན་འཁུར་རྒྱུར་སྐུལ་འདེད་གཏོང་དགོས།

ང་ཚོས“རྒྱལ་ཁབ་གཅིག་ལ་ལམ་ལུགས་གཉིས”དང་། “ཤང་ཀང་བས་ཤང་ཀང་སྐྱོང་བ” “ཨའོ་མོན་བས་ཨའོ་མོན་སྐྱོང་བ” ཚད་མཐོའི་རང་སྐྱོང་བཅས་ཀྱི་མཛད་ཕྱོགས་ཁྱོན་ཡོངས་དང་གནད་ལ་འཁེལ་བའི་ངང་ལག་བསྟར་བྱེད་པ་དང་། རྩ་ཁྲིམས་དང་གཞི་རྩའི་བཅའ་ཁྲིམས་ལ་ནན་པོར་གཞིགས་ནས་ལས་དོན་སྒྲུབ་པ། དམིགས་བསལ་སྲིད་འཛིན་ཁུལ་སྲིད་གཞུང་དང་སྲིད་འཛིན་དཔོན་གྱིས་ཁྲིམས་ལྟར་སྲིད་སྐྱོང་བ་དང་བྱས་རྗེས་ཧུར་ཐག་འཇོག་པར་རྒྱབ་སྐྱོར་བྱེད་པ། ཤང་ཀང་དང་ཨའོ་མོན་རྒྱལ་ཁབ་འཕེལ་རྒྱས་ཀྱི་སྤྱི་ཡོངས་ཁྲོད་མཉམ་འདྲེས་ཡོང་རྒྱུར་རྒྱབ་སྐྱོར་བཅས་བྱས་ནས་ཤང་ཀང་དང་ཨའོ་མོན་སྤུན་ཟླའི་རྒྱལ་ཁབ་ཀྱི་འདུ་ཤེས་དང་རྒྱལ་གཅེས་ཀྱི་སྙིང་སྟོབས་ཆེ་རུ་གཏོང་དགོས་པ་དང་ཤང་ཀང་དང་ཨའོ་མོན་ཡུན་རིང་དར་རྒྱས་བརྟན་ལྷིང་ཡོང་རྒྱུར་སྲུང་སྐྱོང་བྱེད་དགོས། ང་ཚོས་ཀྲུང་གོ་གཅིག་གི་རྩ་དོན་མཐའ་འཁྱོངས་དང“གོ་གཉིས་ལོའི་ཐུན་མོང་ངོས་འཛིན”མཐའ་འཁྱོངས་བྱས་ནས་ངོགས་གཉིས་ཀྱི་འབྲེལ་བ་ཞི་བདེ་འཕེལ་རྒྱས་ཡོང་བར་སྐུལ་འདེད་གཏོང་དགོས་པ་དང་། ངོགས་གཉིས་ཀྱི་དཔལ་འབྱོར་དང་རིག་གནས་སྤེལ་རེས་དང་མཉམ་ལས་བྱེད་རྒྱ་ཆེ་རུ་གཏོང་བ་དང་། སྤུན་ཟླ་ཐའེ་དབན་བ་དང་མཉམ་དུ་སྐམ་ས་ཆེ་མོའི་འཕེལ་རྒྱས་ཀྱི་གོ་སྐབས་མཉམ་སྤྱོད་བྱེད་པ། སྤུན་ཟླ་ཐའེ་དབན་བའི་བདེ་རྩ་ཆེ་རུ་གཏོང་བ་བཅས་བྱས་ནས་མེས་རྒྱལ་ཞི་བདེ་གཅིག་གྱུར་གྱི་འཕེལ་རིམ་ལ་སྐུལ་འདེད་གཏོང་དགོས།

རྒྱལ་ཁབ་ཀྱི་བདག་དབང་དང་མངའ་ཁོངས་ཆ་ཚང་སྲུང་སྐྱོང་གིས་མེས་རྒྱལ་རྦད་དེ་གཅིག་གྱུར་ཡོང་བ་བྱ་རྒྱུ་ནི་ཀྲུང་ཧྭ་བུ་ཕྲུག་ཡོངས་ཀྱི་ཐུན་མོང་གི་འདུན་པ་དང་ཀྲུང་ཧྭ་མི་རིགས་ཀྱི་རྩ་བའི་ཁེ་ཕན་གནས་ས་རེད། མི་རིགས་ཀྱི་བདེན་དོན་དང་ལོ་རྒྱུས་ཀྱི་རླབས་རྒྱུན་དེའི་མདུན་དུ་མེས་རྒྱལ་ཁ་ཕྲལ་གཏོང་བའི་བྱེད་སྤྱོད་དང་གཡོ་ཐབས་ཚང་མ་ཕམ་ངེས་ཡིན་ལ། མི་དམངས་ཀྱིས་སུན་འབྱིན་དང་ལོ་རྒྱུས་ཀྱི་ཆད་པ་ཕོག་ངེས་རེད། ཀྲུང་གོའི་མི་དམངས་ལ་རྒྱལ་ཁབ་ཁ་ཕྲལ་གཏོང་བའི་བྱེད་སྤྱོད་ཐམས་ཅད་ཕམ་ཉེས་སུ་གཏོང་བའི་བློ་རྩ་བརྟན་པོ་དང་། ཡིད་ཆེས་ཆེན་པོ། འཇོན་ཐང་འདང་ངེས་བཅས་ལྡན་ཡོད། ཀྲུང་གོ་མི་དམངས་དང་ཀྲུང་ཧྭ་མི་རིགས་ལ་ཐུན་མོང་གི་དད་སེམས་ཤིག་ཡོད་པ་ནི་རང་རེའི་རླབས་ཆེན་མེས་རྒྱལ་གྱི་ས་ཆ་སྦར་མཐིལ་ཙམ་ཡང་ཀྲུང་གོ་ནས་ཁ་ཕྲལ་གཏོང་མི་རུང་ལ་ཁ་ཕྲལ་གཏན་ནས་གཏོང་མི་སྲིད་པ་དེ་རེད།

འཐུས་མི་རྣམ་པ་ཚོ།

ང་ཚོ་འཚོ་གནས་བྱེད་པའི་འཛམ་གླིང་འདིར་རེ་བས་ཁེངས་ལ་འགྲན་སློང་ཡང་མང་པོ་ཡོད། སྔར་ནས་བཟུང་དྲང་བདེན་དང་གདུང་སེམས་མཉམ་སྐྱེའི་འདུ་ཤེས་ཟབ་མོ་ལྡན་པའི་ཀྲུང་གོའི་མི་དམངས་ཀྱིས་རང་ཉིད་ཀྱི་མདུན་ལམ་དང་ལས་དབང་རྒྱལ་ཁབ་ཁག་གི་མི་དམངས་ཀྱི་མདུན་ལམ་དང་ལས་དབང་དང་དམ་པོར་སྦྲེལ་ཏེ་སྔར་བཞིན་དམག་འཁྲུག་དང་། ཡོ་ལང་། བཀྲེས་ལྟོགས། དབུལ་ཕོངས་བཅས་ཀྱི་ཁྲོད་དུ་འཚོ་བའི་འབྲེལ་ཡོད་རྒྱལ་ཁབ་ཀྱི་མི་དམངས་ལ་ཐོག་མཐའ་བར་གསུམ་དུ་སེམས་ཁུར་ཆེན་པོ་དང་འཇུངས་པ་མེད་པའི་རོགས་རམ་བྱེད་པ་དང་། ཐོག་མཐའ་བར་གསུམ་དུ་ཧུར་ཐག་འབད་ཐག་ངང་མིའི་རིགས་ཀྱི་ཞི་བདེ་དང་འཕེལ་རྒྱས་ལེགས་སྐྱེས་འབུལ་འདོད་བྱེད་ཀྱི་ཡོད། ཀྲུང་གོ་མི་དམངས་ཀྱི་འདུན་པ་དེ་ནི་ཟོལ་མེད་ཅིག་རེད། ཀྲུང་གོས་རྒྱལ་ཁབ་གཞན་གྱི་ཁེ་ཕན་བློས་གཏོང་རིན་དོད་དུ་བྱས་ནས་རང་ཉིད་འཕེལ་རྒྱས་ཡོང་ཐབས་གཏན་ནས་བྱེད་མི་སྲིད། ཀྲུང་གོ་འཕེལ་རྒྱས་ཕྱིན་པ་ནི་རྒྱལ་ཁབ་སུ་ཞིག་གི་ངོས་ནས་བརྗོད་ནའང་འཇིགས་སྐུལ་ཞིག་མིན། ཀྲུང་གོས་ནམ་ཡང་བཙན་པོ་དབང་ཡོད་དང་ནམ་ཡང་རྒྱ་སྐྱེད་གཏོང་མི་སྲིད། མི་གཞན་ལ་འཇིགས་སྐུལ་བཟོ་བར་གོམས་པའི་མི་དེ་དག་གིས་གཞི་ནས་མི་གཞན་དག་ཚང་མ་འཇིགས་སྐུལ་ཡིན་པར་བརྩི་སྲིད། ཀྲུང་གོའི་མི་དམངས་ཀྱིས་མིའི་རིགས་ཀྱི་ཞི་བདེ་དང་འཕེལ་རྒྱས་ལེགས་སྐྱེས་འབུལ་བའི་ཟོལ་མེད་ཀྱི་འདུན་པ་དང་བྱ་སྤྱོད་ངོ་མ་རྣམས་མི་སུ་ཞིག་གིས་ཀྱང་གོ་བ་ལོག་སྒྲུབ་བྱེད་མི་ཉན་ལ། འཁྱོག་བཤད་དེ་བས་ཀྱང་བྱེད་མི་ཉན། དྲང་པོས་གཞུང་བསྲངས་ན། སྒོ་ངས་རྟ་འཁྱོགས།

ཀྲུང་གོས་མུ་མཐུད་ནས་ཞི་བདེ་དང་། འཕེལ་རྒྱས། མཉམ་ལས། གཉིས་ཕན་བཅས་ཀྱི་དར་ཆ་མཐོན་པོར་བསྒྲེངས་ཏེ་ཐོག་མཐའ་བར་གསུམ་དུ་ཞི་བདེ་འཕེལ་རྒྱས་ཀྱི་འགྲོ་ལམ་དུ་བརྟན་པོ་བསྐྱོད་རྒྱུ་དང་གཉིས་ཁེ་གཉིས་ཕན་གྱི་སྒོ་འབྱེད་འཐབ་ཇུས་ལག་ལེན་བསྟར་རྒྱུ་ཡིན། ཀྲུང་གོས་མུ་མཐུད་ནས་རྒྱལ་སྤྱིའི་གཞུང་དྲང་དྲང་བདེན་ལ་སྲུང་སྐྱོང་ཧུར་ཐག་བྱས་ཏེ་འཛམ་གླིང་གི་དོན་གནད་རྣམས་རྒྱལ་ཁབ་ཁག་གི་མི་དམངས་ཀྱིས་གྲོས་བསྡུར་བྱས་ནས་ཐག་གཅོད་བྱ་རྒྱུའི་འདོད་ཚུལ་འཛིན་པ་ལས། རང་ཉིད་ཀྱི་འདོད་འདུན་མི་གཞན་ལ་བཙན་འགེལ་བྱེད་མི་སྲིད། ཀྲུང་གོས་མུ་མཐུད་ནས“རྒྱུད་གཅིག་ལམ་གཅིག”གི་འཛུགས་སྐྲུན་ལ་སྐུལ་འདེད་ཧུར་ཐག་བཏང་ནས་འཛམ་གླིང་རྒྱལ་ཁབ་ཁག་དང་སྤེལ་རེས་མཉམ་ལས་ལ་ཤུགས་སྣོན་བརྒྱབ་སྟེ་ཀྲུང་གོའི་སྒྱུར་བཅོས་འཕེལ་རྒྱས་ལ་བརྟེན་ནས་མིའི་རིགས་ལ་བདེ་སྐྱིད་བསྐྲུན་རྒྱུ་ཡིན། 

ཀྲུང་གོས་མུ་མཐུད་ནས་གོ་ལ་ཧྲིལ་པོའི་བཅོས་སྐྱོང་མ་ལག་སྒྱུར་བཅོས་དང་འཛུགས་སྐྱོང་ལ་ཧུར་ཐག་ཞུགས་ཏེ་འཛམ་གླིང་ལ་དེ་བས་མང་བའི་ཀྲུང་གོའི་བློ་གྲོས་དང་། ཀྲུང་གོའི་ཇུས་གཞི། ཀྲུང་གོའི་སྟོབས་ཤུགས་བཅས་ལེགས་སྐྱེས་འབུལ་རྒྱུ་མ་ཟད། རྒྱུན་མཐུད་ཞི་མཐུན་དང་།  ཁྱོན་ཡོངས་བདེ་འཇགས། ཐུན་མོང་དར་རྒྱས། སྒོ་འབྱེད་བསྟུན་མཁས། དྭངས་གཙང་ཡིད་འོང་བཅས་ཀྱི་འཛམ་གླིང་བསྐྲུན་རྒྱུར་སྐུལ་འདེད་བཏང་ནས་མིའི་རིགས་ཀྱི་ལས་དབང་གཅིག་མཐུན་འདུས་གྲུབ་འཛུགས་སྐྱོང་གི་འོད་ཟེར་འཛམ་གླིང་ཡོངས་ལ་འཕྲོ་བར་བྱ་རྒྱུ་ཡིན།

འཐུས་མི་རྣམ་པ་ཚོ།

ཀྲུང་གོ་གུང་ཁྲན་ཏང་གི་འགོ་ཁྲིད་ནི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་ཆེས་ངོ་བོའི་ཁྱད་ཆོས་ཤིག་དང་། ཀྲུང་གོ་གུང་ཁྲན་ཏང་ནི་རྒྱལ་ཁབ་ཀྱི་ཆེས་མཐོའི་ཆབ་སྲིད་འགོ་ཁྲིད་ཀྱི་སྟོབས་ཤུགས་ཤིག ཀྲུང་ཧྭ་མི་རིགས་རླབས་ཆེན་བསྐྱར་དར་མངོན་འགྱུར་ཡོང་བར་བྱེད་པའི་གཞི་རྩའི་འགན་ལེན་ཞིག་བཅས་རེད། ཕྱོགས་བཞི་མཚམས་བརྒྱད་དང་ཏང་སྲིད་དམག་དམངས་སློབ་བཅས་མཐའ་དག་ལ་ཏང་གིས་འགོ་ཁྲིད་བྱེད་ཀྱི་ཡོད། རྒྱལ་ཡོངས་ཀྱི་ཏང་ཤོག་ཁག་དང་། ཚོགས་པ་ཁག མི་རིགས་ཁག རིམ་གྲས་ཁག ལས་རིགས་ཁག་བཅས་ཀྱི་མི་སྣས་ཏང་ཀྲུང་དབྱང་གི་མཐའ་འཁོར་དུ་མཐུན་སྒྲིལ་དམ་ཟབ་བྱེད་པ་དང་། “འདུ་ཤེས་བཞི”ཟབ་ཏུ་གཏོང་བ། “གདེང་ཚོད་བཞི”བརྟན་དུ་གཏོང་བ་བཅས་བྱས་ནས་ཀུན་སེམས་གཅིག་སྒྲིལ་ངང་མདུན་སྐྱོད་བྱེད་དགོས།

ཀྲུང་གོ་གུང་ཁྲན་ཏང་གིས་མི་དམངས་ཀྱི་སྣེ་ཁྲིད་དེ་རླབས་ཆེའི་སྤྱི་ཚོགས་གསར་བརྗེའི་ལོ་རྒྱུས་ཀྱི་འགན་འཁྲི་ཕྲག་ཏུ་འཁུར་བར་ངེས་པར་དུ་རང་ངོས་གསར་བརྗེ་བྱེད་ཕོད་པ་དང་། སྤྱི་དོན་དུ་ཏང་འཛུགས་པ་དང་དམངས་དོན་དུ་སྲིད་སྐྱོང་མཐའ་འཁྱོངས་བྱེད་པ། ཕྱོགས་ཡོངས་ནས་ཏང་ནན་པོས་སྐྱོང་བར་སྐུལ་འདེད་གཏིང་ཟབ་གཏོང་བ། སྒྱིད་ལུག་རུལ་སུངས་ཀྱི་སྣང་ཚུལ་མཐའ་དག་མཐའ་གཅིག་ཏུ་མེད་པར་བཟོ་བ། ཐོག་མཐའ་བར་གསུམ་དུ་མི་དམངས་དང་གཅིག་སེམས་གཅིག་སྦྲེལ་དང་། མི་དམངས་དང་སྐྱིད་སྡུག་མཉམ་མྱོང་། མི་དམངས་དང་མཐུན་སྒྲིལ་འབད་འཐབ་བཅས་བྱས་ཏེ་མར་ཁེ་སི་རིང་ལུགས་ཀྱི་སྲིད་འཛིན་ཏང་གི་རང་གཤིས་ནམ་ཡང་རྒྱུན་འཁྱོངས་དང་། ནམ་ཡང་དུས་རབས་ཀྱི་མདུན་གྲལ་དུ་སྐྱོད་པ། ནམ་ཡང་ཀྲུང་གོ་མི་དམངས་དང་ཀྲུང་ཧྭ་མི་རིགས་ཀྱི་བློ་གཏད་བཅོལ་ས་བཅས་བྱེད་དགོས།

འཐུས་མི་རྣམ་པ་ཚོ།

“དཔྱིད་རླུང་ལྡང་ནས་མེ་ཏོག་དྲི་ཞིམ་འཐུལ། དཔྱིད་ཀྱི་རྣམ་པ་ས་ཕྱོགས་གང་སར་མངོན”ཀྲུང་གོ་གུང་ཁྲན་ཏང་གི་འགོ་ཁྲིད་འོག ལོ་70ཙམ་འབད་འཐབ་བྱས་པ་བརྒྱུད་ང་ཚོའི་མི་དམངས་སྤྱི་མཐུན་རྒྱལ་ཁབ་སྐྱེ་སྟོབས་ཆེན་པོས་འཚར་ལོངས་བྱུང་སྟེ་རྣམ་པ་གསར་རྐྱང་གི་ཐོག་ནས་འཛམ་གླིང་གི་ཤར་ཕྱོགས་སུ་འགྱིང་ངེར་གནས་བཞིན་ཡོད།

དུས་རབས་གསར་པ་སྐྱེ་བོ་ཀུན་ལ་དབང་བ་དང་སྐྱེ་བོ་ཀུན་ནི་དུས་རབས་གསར་པའི་བདེན་དཔང་བ་དང་། གསར་གཏོད་པ། འཛུགས་སྐྲུན་པ་བཅས་རེད། རྡོག་རྩ་གཅིག་སྒྲིལ་དང་མཐུན་སྒྲིལ་འབད་འཐབ་བྱས་ཚེ་སྟོབས་ཤུགས་གང་རུང་ཞིག་གིས་ཀྱང་ཀྲུང་གོ་མི་དམངས་ཀྱི་ཕུགས་འདུན་མངོན་འགྱུར་བྱེད་པའི་གོམ་སྟབས་འགོག་མི་ཐུབ།

ང་ཚོས་དུས་རབས་གསར་པའི་ཤར་རླུང་དང་འགྲོགས་ནས་ནུས་ཤུགས་ཡོད་རྒུ་འདོན་པ་དང་། ཁ་ལོ་ཡག་པོ་སྒྱུར་བ། ངར་ཤུགས་གཅིག་ཏུ་སྒྲིམ་པ་བཅས་བྱས་ཏེ། ཀྲུང་གོ་མི་དམངས་དུང་ཕྱུར་13ལྷག་ཙམ་གྱི་རླབས་ཆེན་ཕུགས་འདུན་བསྣམས་པའི་ཀྲུང་ཧྭའི་གྲུ་གཟིངས་ཆེན་པོས་མུ་མཐུད་རླབས་བཤགས་མདུན་སྐྱོད་ཀྱིས་རེ་བས་ཕྱུག་པའི་འབྱུང་འགྱུར་ཕྱོགས་སུ་རྒྱལ་ཁའི་ངང་སྐྱོད་དགོས།

ལྷན་རྒྱས་ཐུགས་རྗེ་ཆེ།

习近平主席在人大闭幕会上的重要讲话

导读

习近平在十三届全国人大一次会议闭幕会上发表重要讲话。

讲话全文

（本文据新华网文字实录）

各位代表：

这次大会选举我继续担任中华人民共和国主席，我对各位代表和全国各族人民给予我的信任，表示衷心的感谢！

担任中华人民共和国主席这一崇高职务，使命光荣，责任重大。我将一如既往，忠实履行宪法赋予的职责，忠于祖国，忠于人民，恪尽职守，竭尽全力，勤勉工作，赤诚奉献，做人民的勤务员，接受人民监督，决不辜负各位代表和全国各族人民的信任和重托！

一切国家机关工作人员，无论身居多高的职位，都必须牢记我们的共和国是中华人民共和国，始终要把人民放在心中最高的位置，始终全心全意为人民服务，始终为人民利益和幸福而努力工作。

各位代表！

人民是历史的创造者，人民是真正的英雄。波澜壮阔的中华民族发展史是中国人民书写的！博大精深的中华文明是中国人民创造的！历久弥新的中华民族精神是中国人民培育的！中华民族迎来了从站起来、富起来到强起来的伟大飞跃是中国人民奋斗出来的！

中国人民的特质、禀赋不仅铸就了绵延几千年发展至今的中华文明，而且深刻影响着当代中国发展进步，深刻影响着当代中国人的精神世界。中国人民在长期奋斗中培育、继承、发展起来的伟大民族精神，为中国发展和人类文明进步提供了强大精神动力。

——中国人民是具有伟大创造精神的人民。在几千年历史长河中，中国人民始终辛勤劳作、发明创造，我国产生了老子、孔子、庄子、孟子、墨子、孙子、韩非子等闻名于世的伟大思想巨匠，发明了造纸术、火药、印刷术、指南针等深刻影响人类文明进程的伟大科技成果，创作了诗经、楚辞、汉赋、唐诗、宋词、元曲、明清小说等伟大文艺作品，传承了格萨尔王、玛纳斯、江格尔等震撼人心的伟大史诗，建设了万里长城、都江堰、大运河、故宫、布达拉宫等气势恢弘的伟大工程。今天，中国人民的创造精神正在前所未有地迸发出来，推动我国日新月异向前发展，大踏步走在世界前列。我相信，只要13亿多中国人民始终发扬这种伟大创造精神，我们就一定能够创造出一个又一个人间奇迹！

——中国人民是具有伟大奋斗精神的人民。在几千年历史长河中，中国人民始终革故鼎新、自强不息，开发和建设了祖国辽阔秀丽的大好河山，开拓了波涛万顷的辽阔海疆，开垦了物产丰富的广袤粮田，治理了桀骜不驯的千百条大江大河，战胜了数不清的自然灾害，建设了星罗棋布的城镇乡村，发展了门类齐全的产业，形成了多姿多彩的生活。中国人民自古就明白，世界上没有坐享其成的好事，要幸福就要奋斗。今天，中国人民拥有的一切，凝聚着中国人的聪明才智，浸透着中国人的辛勤汗水，蕴涵着中国人的巨大牺牲。我相信，只要13亿多中国人民始终发扬这种伟大奋斗精神，我们就一定能够达到创造人民更加美好生活的宏伟目标！

——中国人民是具有伟大团结精神的人民。在几千年历史长河中，中国人民始终团结一心、同舟共济，建立了统一的多民族国家，发展了56个民族多元一体、交织交融的融洽民族关系，形成了守望相助的中华民族大家庭。特别是近代以后，在外来侵略寇急祸重的严峻形势下，我国各族人民手挽着手、肩并着肩，英勇奋斗，浴血奋战，打败了一切穷凶极恶的侵略者，捍卫了民族独立和自由，共同书写了中华民族保卫祖国、抵御外侮的壮丽史诗。今天，中国取得的令世人瞩目的发展成就，更是全国各族人民同心同德、同心同向努力的结果。中国人民从亲身经历中深刻认识到，团结就是力量，团结才能前进，一个四分五裂的国家不可能发展进步。我相信，只要13亿多中国人民始终发扬这种伟大团结精神，我们就一定能够形成勇往直前、无坚不摧的强大力量！

——中国人民是具有伟大梦想精神的人民。在几千年历史长河中，中国人民始终心怀梦想、不懈追求，我们不仅形成了小康生活的理念，而且秉持天下为公的情怀，盘古开天、女娲补天、伏羲画卦、神农尝草、夸父追日、精卫填海、愚公移山等我国古代神话深刻反映了中国人民勇于追求和实现梦想的执着精神。中国人民相信，山再高，往上攀，总能登顶；路再长，走下去，定能到达。近代以来，实现中华民族伟大复兴成为中华民族最伟大的梦想，中国人民百折不挠、坚忍不拔，以同敌人血战到底的气概、在自力更生的基础上光复旧物的决心、自立于世界民族之林的能力，为实现这个伟大梦想进行了170多年的持续奋斗。今天，中国人民比历史上任何时期都更接近、更有信心和能力实现中华民族伟大复兴。我相信，只要13亿多中国人民始终发扬这种伟大梦想精神，我们就一定能够实现中华民族伟大复兴！

同志们！有这样伟大的人民，有这样伟大的民族，有这样的伟大民族精神，是我们的骄傲，是我们坚定中国特色社会主义道路自信、理论自信、制度自信、文化自信的底气，也是我们风雨无阻、高歌行进的根本力量！

我国是工人阶级领导的、以工农联盟为基础的人民民主专政的社会主义国家，国家一切权力属于人民。我们必须始终坚持人民立场，坚持人民主体地位，虚心向人民学习，倾听人民呼声，汲取人民智慧，把人民拥护不拥护、赞成不赞成、高兴不高兴、答应不答应作为衡量一切工作得失的根本标准，着力解决好人民最关心最直接最现实的利益问题，让全体中国人民和中华儿女在实现中华民族伟大复兴的历史进程中共享幸福和荣光！

各位代表！

人民有信心，国家才有未来，国家才有力量。中国特色社会主义进入了新时代，勤劳勇敢的中国人民更加自信自尊自强。中国这个古老而又现代的东方大国朝气蓬勃、气象万千，中国特色社会主义道路、理论、制度、文化焕发出强大生机活力，奇迹正在中华大地上不断涌现。我们对未来充满信心。

历史已经并将继续证明，只有社会主义才能救中国，只有坚持和发展中国特色社会主义才能实现中华民族伟大复兴。国内外形势正在发生深刻复杂变化，我国发展仍处于重要战略机遇期。我们具备过去难以想象的良好发展条件，但也面临着许多前所未有的困难和挑战。中国共产党第十九次全国代表大会描绘了决胜全面建成小康社会、开启全面建设社会主义现代化国家新征程、实现中华民族伟大复兴的宏伟蓝图。把蓝图变为现实，是一场新的长征。路虽然还很长，但时间不等人，容不得有半点懈怠。我们决不能安于现状、贪图安逸、乐而忘忧，必须不忘初心、牢记使命、奋发有为，努力创造属于新时代的光辉业绩！

我们要适应我国发展新的历史方位，紧扣我国社会主要矛盾的变化，高举中国特色社会主义伟大旗帜，全面贯彻党的十九大和十九届二中、三中全会精神，坚持以马克思列宁主义、毛泽东思想、邓小平理论、“三个代表”重要思想、科学发展观、新时代中国特色社会主义思想为指导，坚持稳中求进工作总基调，坚持以人民为中心的发展思想，统揽伟大斗争、伟大工程、伟大事业、伟大梦想，统筹推进“五位一体”总体布局，协调推进“四个全面”战略布局，奋力开创新时代中国特色社会主义事业新局面！

我们的目标是，到本世纪中叶把我国建成富强民主文明和谐美丽的社会主义现代化强国。

我们要以更大的力度、更实的措施全面深化改革、扩大对外开放，贯彻新发展理念，推动经济高质量发展，建设现代化经济体系，不断增强我国经济实力、科技实力、综合国力，让社会主义市场经济的活力更加充分地展示出来。

我们要以更大的力度、更实的措施发展社会主义民主，坚持党的领导、人民当家作主、依法治国有机统一，建设社会主义法治国家，推进国家治理体系和治理能力现代化，巩固和发展最广泛的爱国统一战线，确保人民享有更加广泛、更加充分、更加真实的民主权利，让社会主义民主的优越性更加充分地展示出来。

我们要以更大的力度、更实的措施加快建设社会主义文化强国，培育和践行社会主义核心价值观，推动中华优秀传统文化创造性转化、创新性发展，让中华文明的影响力、凝聚力、感召力更加充分地展示出来。

我们要以更大的力度、更实的措施保障和改善民生，加强和创新社会治理，坚决打赢脱贫攻坚战，促进社会公平正义，在幼有所育、学有所教、劳有所得、病有所医、老有所养、住有所居、弱有所扶上不断取得新进展，让实现全体人民共同富裕在广大人民现实生活中更加充分地展示出来。

我们要以更大的力度、更实的措施推进生态文明建设，加快形成绿色生产方式和生活方式，着力解决突出环境问题，使我们的国家天更蓝、山更绿、水更清、环境更优美，让绿水青山就是金山银山的理念在祖国大地上更加充分地展示出来。

我们要坚持党对人民军队的绝对领导，全面贯彻新时代党的强军思想，不断推进政治建军、改革强军、科技兴军、依法治军，加快形成中国特色、世界一流的武装力量体系，构建中国特色现代作战体系，推动人民军队切实担负起党和人民赋予的新时代使命任务。

我们要全面准确贯彻“一国两制”、“港人治港”、“澳人治澳”、高度自治的方针，严格依照宪法和基本法办事，支持特别行政区政府和行政长官依法施政、积极作为，支持香港、澳门融入国家发展大局，增强香港、澳门同胞的国家意识和爱国精神，维护香港、澳门长期繁荣稳定。我们要坚持一个中国原则，坚持“九二共识”，推动两岸关系和平发展，扩大两岸经济文化交流合作，同台湾同胞分享大陆发展的机遇，增进台湾同胞福祉，推进祖国和平统一进程。

维护国家主权和领土完整，实现祖国完全统一，是全体中华儿女共同愿望，是中华民族根本利益所在。在这个民族大义和历史潮流面前，一切分裂祖国的行径和伎俩都是注定要失败的，都会受到人民的谴责和历史的惩罚！中国人民有坚定的意志、充分的信心、足够的能力挫败一切分裂国家的活动！中国人民和中华民族有一个共同信念，这就是：我们伟大祖国的每一寸领土都绝对不能也绝对不可能从中国分割出去！

各位代表！

我们生活的世界充满希望，也充满挑战。中国人民历来富有正义感和同情心，历来把自己的前途命运同各国人民的前途命运紧密联系在一起，始终密切关注和无私帮助仍然生活在战火、动荡、饥饿、贫困中的有关国家的人民，始终愿意尽最大努力为人类和平与发展作出贡献。中国人民这个愿望是真诚的，中国决不会以牺牲别国利益为代价来发展自己，中国发展不对任何国家构成威胁，中国永远不称霸、永远不搞扩张。只有那些习惯于威胁他人的人，才会把所有人都看成是威胁。对中国人民为人类和平与发展作贡献的真诚愿望和实际行动，任何人都不应该误读，更不应该曲解。人间自有公道在！

中国将继续高举和平、发展、合作、共赢的旗帜，始终不渝走和平发展道路、奉行互利共赢的开放战略。中国将继续积极维护国际公平正义，主张世界上的事情应该由各国人民商量着办，不会把自己的意志强加于人。中国将继续积极推进“一带一路”建设，加强同世界各国的交流合作，让中国改革发展造福人类。中国将继续积极参与全球治理体系变革和建设，为世界贡献更多中国智慧、中国方案、中国力量，推动建设持久和平、普遍安全、共同繁荣、开放包容、清洁美丽的世界，让人类命运共同体建设的阳光普照世界！

各位代表！

中国共产党领导是中国特色社会主义最本质的特征，中国共产党是国家最高政治领导力量，是实现中华民族伟大复兴的根本保证。东西南北中，党政军民学，党是领导一切的。全国各党派、各团体、各民族、各阶层、各界人士要紧密团结在党中央周围，增强“四个意识”，坚定“四个自信”，万众一心向前进。

中国共产党要担负起领导人民进行伟大社会革命的历史责任，必须勇于进行自我革命，坚持立党为公、执政为民，深入推进全面从严治党，坚决扫除一切消极腐败现象，始终与人民心心相印、与人民同甘共苦、与人民团结奋斗，永远保持马克思主义执政党本色，永远走在时代前列，永远做中国人民和中华民族的主心骨！

各位代表！

“等闲识得东风面，万紫千红总是春。”在中国共产党领导下，经过近70年奋斗，我们的人民共和国茁壮成长，正以崭新的姿态屹立于世界东方！

新时代属于每一个人，每一个人都是新时代的见证者、开创者、建设者。只要精诚团结、共同奋斗，就没有任何力量能够阻挡中国人民实现梦想的步伐！

我们要乘着新时代的浩荡东风，加满油，把稳舵，鼓足劲，让承载着13亿多中国人民伟大梦想的中华巨轮继续劈波斩浪、扬帆远航，胜利驶向充满希望的明天！

谢谢大家。